L’extensiun constanta dals centers d’aglomeraziun urbans ha chaschunà in process da metropolisaziun che pertutga, en moda differenziada, gronds territoris da la Svizra (las zonas metropolitanas da Turitg, Genevra- Losanna, Basilea, Berna e Lugano-Milaun). Las regiuns metropolitanas e las aglomeraziuns da la Svizra èn confruntadas contemporanamain cun sfidas instituziunalas, socio-economicas, finanziarias, politicas e culturalas. La finamira principala da quest lavuratori è d’identifitgar ils problems specifics e cuminaivels da las diversas regiuns, empruvond d’encleger la rolla da las instituziuns communalas, chantunalas e federalas en quest context. Tge schanzas, limits e pussaivladads pudess avair la politica federala e chantunala en connex cun las metropolas? Quals èn ils elements principals d’ina politica per las aglomeraziuns? Tge funcziuns ha e po avair en l’avegnir la Conferenza tripartita per las aglomeraziuns? Co pudessan vegnir concepidas la collavuraziun e la repartiziun d’incumbensas tranter ils divers livels instituziunals?

• Kurzfassung